Kampuni ya Precision Air yatangaza Mkurugenzi Mkuu mpya

 Ni Mwanamke wa Kwanza kushika wadhfa huo katika Sekta ya anga.

Kampuni ya precision Air, imemtangaza Sauda S. Rajab kuwa Mkurugenzi Mkuu mpya wa kampuni hiyo, ambaye anajiunga na kampuni hiyo kuanzia machi mosi mwaka huu. Akiwa amelitumikia Shirika la Kenyan Airways kwa miaka 23 akiwa ameshika nafasi mbalimbali katika shirika hilo na sasa akiwa kama Meneja Mkuu kitengo cha mizigo. (Cargo)

   

Kwa mujibu wa Mwenyekiti wa Bodi ya Precision Air, Michael Shirima, amesema, kuwa Sauda Rajab, ataleta mtazamo mpya wa kiutawala kwa Precision Air kukua zaidi na kujenga ushindani kwa kampuni kubwa za usafiri wa anga duniani.

“Anao uwezo wa kujenga katika msingi ambao tayari Kioko na wafanyakazi wengine wameweza kuujenga.,” alisema Shirima.

 

“Sauda Ameahidi kutimiza majukumu yake vyema baada ya kutembelea katika vitengo mbalimbali na kuahidi kuwa atatimiza majukumu yake ipasavyo kwa kuongeza tija zaidi katika utendaji na utawala,” alisema.

Kioko amestaafu akiwa ameitumikia kampuni kwa miaka 10 tangu alipojiunga na Precision Air na kuijenga kampuni na kuipa mafanikio makubwa

 

 

“Tangu alipojiunga na kampuni mwaka 2003 kampuni ilikuwa ikimiliki ndege mbili aina ya ATR 42 na ndege nyingine ndogo. Katika kipindi cha uongozi wake hadi sasa kampuni ina ndege tisa na nyingine Mpya ikiwemo 1ATR 42-300, 7ATRs 42-500, 2ATRs 42-600 na Boeing mbili 737-300 na kufikisha idadi ya ndege 12 ambazo zimeiongezea uwezo wa kiutendaji kampuni na kuwa pekee inayofanya safari zake katika sehemu nyingi za nchi.” Alisema Shirima

 

“Idadi ya wateja ilikuwa kutoka 200,000 na hadi kutarajiwa kufikia milioni moja Mwaka huu na kuongezeka kwa mapato kutoka bilioni 20 mwaka 2004 hadi Bilioni 163 mwaka 2011/2.” Alisema.

 

Akizungumza na waandishi wa habari, Kioko amesema “Mafanikio ya Precision Air hayajafikiwa kutokana na jitihada zake mwenyewe ila ni pamoja na wateja na wafanyakazi wa wote wa Precision Air ambao wamekuwa wakiunga mkono huduma mbalimbali za kampuni hiyo.

 

“napenda kuwaita familia ya Precision Air. Ninaamini wataendeleza ushirikiano huu kwa Sauda.”

 

Shirima amesema kuwa, hakika Mkurugenzi huyo anayemaliza muda wake ameifikisha Precision katika sehemu kubwa ambayo kila mtu anajivunia na hata ukweli unajidhihirisha kutokana na nafasi ambayo shirika hilo linayo kwa sasa.

“Tumejivunia sana kuwa na mtu kama Kioko kwa kile ambacho ametufanyia sisi kama Precision Air.

 

Kwa upande wake, Bi Sauda amesema kuwa amevutiwa na kujiunga na kampuni ambayo imekuzwa na wazawa na yuko tayari kuisogeza mbele zaidi.

 

“Ninafurahia kupata nafasi hii, Ninatarajia kupata ushirikiano mzuri katika kufikia majukumu haya mapya.”

 

Sauda alihitimisha kwa kusema kuwa moja ya Changamoto ambazo atazipa kipaumbele katika uongozi wake ni suala la usafirishaji na upakiaji wa miziko katika sekta ya anga kwa nchi za Kusini mwa jangwa la Sahara na Afrika kwa ujumla kwa kuandaa mpango maalum wa kuwezesha kukabiliana na changamoto hiyo.