MKUU WA WILAYA YA ILEMELA AGIZA KUFUNGWA SHULE SEKONDARI YA BWENI YA MOUNT ZION KUTOKANA NA MAZINGIRA HATARISHI NA MUBANANO.

 Mkuu wa Wilaya ya Ilemela Amina Masenza alishangaa kuona hali aliyoikuta ndani ya Bweni la kulala wanafunzi wavulana shuleni hapo.

 Sehemu ya Bweni la wanafunzi wa kiume wakiwa wamehifadhi matandiko yao ambalo ni darasa.

 Wanafunzi zaidi ya 119 wa sekondari ya Mount Zion wakiwa wamebanana darasani na imedaiwa kulipa gharama ya ada ya Shilingi milioni 1 kwa mwaka lakini wengi wao hukalia viti na ndoo za plastiki darasani

 wanafunzi wakiwa wamekalishwa chini vichakani huku mmoja wa walimu akiwalinda kabla ya kukutwa na viongozi walioambatana na Mkuu wa Wilaya ya Ilemela kuwakuta mafichoni

  wanafunzi wakiwa wamekalishwa chini vichakani huku mmoja wa walimu akiwalinda kabla ya kukutwa na viongozi walioambatana na Mkuu wa Wilaya ya Ilemela kuwakuta mafichoni

 Moja ya vyumba vya Bweni la kulala wasichana katika sekondari ya Mount Zion iliyopo Wilayani Ilemela Mkoani Mwanza kamainavyoonekana.

 

SEKONDARI ya Mount Zion (Bweni) ya binafisi iliyopo Manispaa na Wilaya ya Ilemela Mkoani Mwanza imefungwa na kuzuiliwa kuendelea kutoa huduma ya kitaaluma baada ya Mkuu wa Wilaya  Ilemela kwa kushirikiana na Idara za Elimu na Afya kufanya ukaguzi na kubaini mazingira ya shule hiyo kuwa  hatarishi.

 

Ziara ya kustitukiza iliyofanywa na Mkuu wa wilaya ya Ilemela, Amina Masenza aliongozana na wajumbe wa Kamati ya Ulinzi na Usalama kufanya ukaguzi katika shule hiyo na kubaini wanafunzi kuishi katika mazingira hatarishi huku uongozi wa shule hiyo ukiwaficha baadhi ya wanafunzi zaidi ya 50 wa bweni vichakani kukwepa ukaguzi. 

  

Hatua hiyo inafuatia kuwepo taarifa zilizotolewa kwa Mkuu huyo na baadhi ya wasamaria wema jambo iliyomlazimu ujumbe huo kufika shuleni hapo ili kujionea hali halisi na kukutana na uongozi wa shule hiyo,tangu kutakiwa kuboresha kasoro na mapungufu yaliyoonekana baada ya ukaguzi wa awali uliofanywa na Idara ya Afya ya Manispaa hiyo Februari 13 mwaka huu na kutakiwa kutekelezwa haraka.

 

Uongozi wa sekondari hiyo pamoja na kuomba kupatiwa muda wa wiki mbili ili kufanyia marekebisho kasoro na mapungufu yaliyokutwa baada ya ukaguzi wa awali na kugundulika kutokuwa na vyoo na mfumo wa maji taka,mabweni maalumu kwa wavulana na wasichana,vyumba vya madarasa kupunguza mrundikano,sehemu ya kutayarishia vyakula, majengo ya utawala shemu za kufulia nguo,eneo la viwanja vya michezo mbalimbali na usalama.

 

“Shule hii haina Stoo na Jiko la kutayarishia vyakula kwa wanafunzi kwani hupikiwa nje kwenye mabanda na hata ukumbi (Bwalo) la kulia chakula hali inayosababisha wanafunzi kwenda kulia vyakula wanakolala na kwenye miti iliyopo ndani ya eneo la shule nyakati za mchana,hakuna mabweni ya kulala wanafunzi wasichana yakiwa hayana hata vitanda na kulazimika kulala kwenye baadhi ya vyumba vya madarasa na hata wavulana pia”alisema Afisa Afya wa Manispaa wakati akitoa taarifa kwa Mkuu wa Wilaya na ujumbe wake.

 

Aidha alieleza pia kuwa ,shule hiyo haina hata eneo maalumu lililotengwa kwa ajili ya ufuaji nguo (Laundry),haina viwanja vya michezo kabisa (Playing grounds),usalama haupo kutokana na kutokuwepo uzio na sanduku la huduma ya kwanza pamoja na vifaa vya zimamoto (Fire Extinguishers),vyumba vya madarasa ni saba kwa wanafunzi 515 wakati ilisajiliwa ikiwa na madarsa hayo kuhudumia wanafunzi 160 tu

 

Afisa Afya wa Manispaa ya Ilemela Daniel Batare alieleza kwamba pamoja na kuwepo mapungufu hayo bado shule hiyo yenye kidato cha kwanza hadi cha nne haina vyumba vikubwa vya madarasa na wanafunzi kukaa bila kufuata mpangilio wa 45 kwa darasa na kulazimika kukaa 119 darasa moja A,B na C kutokana madarasa mengine kutokamilika hali ambayo inaweza kusababisha kukumbwa na magonjwa ya mlipuko.

 

 “Tatizo la Bweni ambalo limeonekana kuwa kubwa katika shule hiyo ambapo wanafunzi wote 515 ni wa bweni huku wavulana 240 hulala kwa mgawanyo ambapo 120 wamekuwa wakilala chumba kimoja cha darasa kilichogeuzwa bweni na wengine 120 wakilala kwenye nyumba iliyokodishwa vikiwa mita 2 kwa 3 vilivyopo jirani na shule hiyo wakihifadhi masanduku ya bati wanayotunzia vifaa vyao”alieleza Afisa huyo

 

Alieleza kuwa wanafunzi wasichana 275 wanalala kwenye vyumba vidogo vinane vya ukubwa wa mita 2 kwa 3 ambapo kila chumba kimoja hulala wasichana 34 ambacho ni hatari kwa usalama wa wanafunzi hao na kukiwa hakuna vitanda na wakilazimika kuweka magodoro yaliyo chakaa chini huku sakafu yake ikiwa imebomoka hali ya usafi ikiwa ni finyu pamoja na kukutwa wadudu kama panya,mende na kunguni wakiwa kwenye vyumba hivyo.

 

“Umejionea Shule hii haina hata jengo la utawala (Administration Block) na badala yake hutumia chumba kimoja cha ofisi ya mkuu wa shule,hakuna ofisi ya walimu kazi zao hufanyia kwenye varanda na madarasa,pia hakuna hifadhi ya vitabu (Library) 

.

  Akisoma Ilani ya Kisheria ya kusitisha shughuli za utoaji elimu kwa shule hiyo mbele ya Mkuu wa wilaya, Afisa Elimu Sekondari wa Manispaa ya Ilemela Batane amesema kuwa kupitia ukaguzi wa kiafya uliofanyika tarehe 13/02/2013 na kufanywa na maofisa Afya kutoka manispaa na kata husika madhaifu mengi yalibainika na hayajafanyiwa kazi kama ilivyoshauriwa suala ambalo ni kinyume cha sheria ya Afya ya jamii no. 1 ya mwaka 2009.

 .

 

Mkuu wa Wilaya Masenza baada ya kupewa taarifa hiyo na maafisa wa afya na elimu wa Manispaa ya Ilemela wakati alipofanya ziara ya kushitukiza shuleni hapo kwa lengo la kujionea hali halisi ikiwa ni pamoja na kujionea  mazingira wanayoishi wanafunzi wa bweni na msongamano uliopo ndani ya vyumba vya madarasa na mabweni ya kulala endapo uongozi wa shule hiyo ulifanya marekebisho na kutekeleza kama ilivyoshauriwa na wataalamu Idara husika. 

 

Kufatia hatua hiyo akizungumza na uongozi wa shule hiyo chini ya Mkurugenzi na mmiliki wa shule hiyo Dkt.Andrew Masambala na mbele ya wanafunzi,Masenza alisema nimesikitishwa na hali niliyoikuta na viongozi wa Kamati ya Ulinzi na Usalama Wilaya ni mbaya na hivyo amefika kujionea na kwa mazingira nasikitika kuona uongozi kushindwa kufuata taratibu na mashariti ya uanzishaji wa shule na hata zile za mazingira na afya.

 

“Naagiza Idara zote husika kuifungia mara moja shule hii na siko tayari nikiendelea kuwaona watoto wakiishi mazingira kama ya wahamiaji halamu wanaokuwa wameingia nchini kwa njia za panya na kuhifadhiwa kwa kufichwa vichakani na wakilala kwa mbanano huku wadudu wakiwang’ata na wengine kupata maradhi na ugonjwa wa maralia hivyo natangaza rasimi kuifunga shule hii”alisisitiza.