YANGA WASHEREHEKEA UBINGWA ASILIMIA MIA MOJA

Timu ya Yanga na mashabiki wake wamesherehekes ubingwa kwa asilimia mia moja baada ya kuifunga timu ya Simba mabao 2-0 katika mchezo wa kufunga dimba la michuano ya Ligi Kuu Tanzania Bara kwa mwaka 2012/13 uliochezwa kwenye Uwanja wa Taifa Dar es Salaam.

Alikuwa ni mchezaji wa Kimatifa aliyesajiliwa kutoka Rwanda, Kavubagu aliyewainua mashabiki wa Yanga katika daki ya tano ya mchezo huo kwa kuiandikia bao la kwanza timu yake

Katika mchezo huo kipindi cha kwanza timu ya Simba ilikosa penalti baada ya Mshambuliaji wa timu hiyo Mrisho Ngassa, kuangushwa katik eneo la hatari, penalti hiyo ilipigwa na Musa Mude aliyeipiga kiuchovu ambapo golikipa wa timu ya Yanga, Bartez(Ali Mustapha) aliudaka kiulaini kabisa.

Kipindi cha pili ni yanga tena ndiyo walioendelea na Shamrashara baada ya mchezaji wa kimataifa tena kutoka nchini Uganda, anayejulikana kwao kwa jina la Diego (Hamis Kiiza) alipowanyanyua mashabiki hao kwa kupachika bao la  kichwa kutokana na mpira wa adhabu uliorushwa na Beki wa Kimataifa Mbuyu Twite na kuwagonga wachezaji wa Yanga na kumkuta mfungaji aliyeupiga kwa kichwa bila kigugumizi na kutinga wavuni ukimwacha Kaseja hana la kufanya zaidi ya kuusindikiza wavuni